ولـ يا كبر القهر لا صار ما باليد حيله
و الجروح من القرايب والخطا مني وفيني
ان نويت اشفي غليلي ما لقيت اية وسيله
كيف ابلقى دام جرحي سبته طعنه يميني؟
وان نوت تبكي عيوني صارت الدمعه بخيله
كبرها لامن تجمع هم قلبي وهم عيني
ياهموم(ن) بي تعدت حدها صارت ثقيله
اخذي مني كم سؤال ولو سمحتي جاوبيني
وليه لاضاق الفضا في عين من خانه دخيله
مالقيت الا الملامه انتهيها وتبديني
ياهمومي ياجروحي يا صدى الروح العليله
والله ان الظلم قهره قيّد لساني ويديني
يوم قيل ناظر حسودك زاد في قوله وقيله
ما طرالي غير قولت آآآخ يا دنيا ارحميني
ان تكلمت وحكيت وجبت برهاني ودليله
ما تضرر كود منهو قد لفاني منتخيني
وان سكت وقلت هانت هم وسنيني تزيله
اكتشفت ان السنين تزول والهم محتويني
بس لجل اللي انتخى في جد جدي والقبيله
والله اني لاشرب المر واتحمل ما يجيني
ودام ما بالكون صدر(ن) ارتمي به واشتكيله
ودام مابه عين تقرى حزني اللي مبتليني
ما لي الا بيت شعر(ن) اذكره في كل ليله
لا انتهى جدل المعاتب بين قلبي وبين عيني
ولـ .. يا كبر القهر لاصار ما باليد حيله
والجروح من القرايب والخطا مني وفيني
![.•:*¨`*:•. ][منتدى الحب السرى][.•:*¨`*:•.](https://2img.net/h/www2.0zz0.com/2010/01/18/12/954935942.jpg)
موضوع: ولــ يا كبر القهر لاصار ما باليد حيله؟؟؟؟ 
الثلاثاء يونيو 02, 2009 3:23 pm
