قبل ما ابدأالقصة أحب أقولكوا إنها قصتي بس والله قصة فوق الوصف غريبة و الصدف فيها عديدة
ابتدت القصة من أول يوم رحت فيه المدرسة طالعة باصي عادي لقيت في وشي واد غلس عمال يقولي إنتي اسمك إيه و شغال
زعقت في وشه و قلت
مريم مريم!!!! قاللي عاشت الأسامي أنا محمد قلتله أهلا #* قاللي اقعدي في الكرسي اللي قدامي نرغي قلتله نرغي؟؟؟؟ روح العب بعيد بس مش فاكرة بعد كده آوي اللي حصل بس اللي فاكراه إن إحنا كنا بنلعب استغماية و القط والفار و لعب هبلة و جينا في تانية ابتدائي كل واحد اترمى في فصل و كل واحد اترمى في باص ...................
قلت نسيته و كبرنا و نسينا بعض في تانية إعدادي طالعة الباص عادي لسه بابص لقيته قاعد عالكرسي بتاعي فبصتله ضحكلي قاللي اتوقع إن ده كرسيكي اقعدي و أنا حاقعد وراكي ... رحنا المدرسة و عدت الأيام كله شبه بعضه لحد ما جه يوم كان في ولد في شارع المدرسة غلس آوي ماشي ورايا يقلي ايه يا عسل مش ناوي تحن بكلمة محمد كرامته نقحت عليه طلع في وشه قاله شايفها واقفة مع كرسي مكتب يا بتاع إنته امشي بدل ما ابلغ البوليس عنك
يااااه قلتله محمدإنته جنتل آوي ميرسي جدًا ليك ....لقيته فاجأة سرح جه صاحبه قاله إيه يا عم روميو مش وقتك ده
روحنا عددت ىالسنة يأمان جيت السنة اللي بعدها ابص لقيت محمد اتنقل من المدرسة
رحت البيت عيطت و عرفت ساعتها إني باحبه صحيح كنت عيلة بس برده كنت فاهمة الحب كبرت و نسيته شوية .................................
في تالتة ثانوي بابا قاللي تعالي معايا المكتب أعرفك على المدير بتاعي يحيى (أبومحمد اسمه يحيى ) بس أنا ساعتها مافكرتش سألت عمو يحيى قلتله إنته ليك ابن قاللي آه عندي محمد و آية قلتله محمد!!!! قلتله إنته ساكن فين قاللي في فيصل (محمد و أنا ساكنين في فيصل) معقولة الصدف تيجي كده
قلتله عايزين يوم يا عمو نتقابل في نادي عايزة اتعرف على آية و محمد قاللي خلاص الأسبوع الجاي نروح نادي...
و فرصة تتعرفي على ولادي ................
جه اليوم المنتظر رحت النادي بابص جنب عمو يحيى شوفته!!!!!!!!!!!!!!!!!!!!!!!!!!!!!!!
فضلنا متنحين لبعض بابا يقلي مريم و باباه واخته يقولوا مـــحمد !!!!
ساعتها حاكينا لبابا و باباه استغربوا جدًا إن الصدف جمعت كده
و ساعتها عرفنا بعض و فضلنا نكلم في بعض و الحمد لله أنا و هوه دلوقتي مخطوبين ......
عجبتكم قصة ألف ليلة و ليلة دي أرجو أرأكم