جرحـك كريـم .. و ذكرياتـك كريمـه

**¤° عضو جديد °¤** 417 01/06/2009 28

صدرالحزين يطـاوع الضيـق .. و يضيـق
من كل صوب .. و تصبح العين ديمـه

ينزل مطر .. و يلوح براق .. و تفيـق
كل الجروح .. المبطيـات .. القديمـه

و أنا .. علـى الدنيـا قليـل التوافيـق
ما غيـر أساوقهـا بـراي و عزيمـه

يا فـوح قلبـي مثـل فـوح الاباريـق
عليـك ياللـي لـك عروقـي محيمـه

أقبلت لي و الحـب .. حـظ و توافيـق
و أقفيت عنـي .. و النتايـج وخيمـه

علقـت نفسـك فـي زوايـا المعاليـق
و (حطيت لك بيـن الحنايـا) .. وسيمـه

و أصبحت عندي فوق كـل المخاليـق
تخطي و لا لك غيـر قـدر و حشيمـه

و انا و ربـي مـا نقضـت المواثيـق
لا زلت أشوفـك راس مـال و غنيمـه

دونك سحاب الدمع و مشـارق الريـق
و عقبك ضياع و جرح قلـب و هزيمـه

فأن بعتني فالسـوق بيـع الصناديـق
عـز الله انـك بعتـنـي دون قيـمـه

ليتك تشـوف ابـواب قلبـي مغاليـق
ما هيـب لا و الله .. و عـادة حليمـه

ما همني و النـاس جمـع و تفاريـق
ما دمـت منتـب فيـه روحـي يتيمـه

يا صاحبـي تبكـي عليـك الطواريـق
جزل البيوت .. الفـاردات .. العديمـه

أرحل .. و طيبك فوق روس الشواهيق
لا تلتفـت لـي يـا قـوي الشكيـمـه

و أنا علـى خبـرك وريـث المطاليـق
راعي مواجيـب و شجاعـه و شيمـه

مثل الجبل و أقرب مثل عندك .. طويق-
شامخ .. لو ان الريح تنحـت صميمـه

يالله عسـى فالـك معـزه و توفـيـق
ياللي جعلت أهـداف عمـري عظيمـه

عقبك لي الله ثـم شمـس المشاريـق
و الشرقـي و هبّـة هـواه و نسيمـه

و الشوق و هموم الجـروح المفاتيـق
و البرد و الحـزن و شـوارع رحيمـه

يالغالـي اللـي كنـك بقلبـي اتويـق
جرحـك كريـم .. و ذكرياتـك كريمـه

أنت و انا .. نشبه حضارات الأغريـق
القوم راحـوا .. و الحضـاره مقيمـه

منقول

Admin 911 13/05/2009

تسلمى نانا

القادم اجمل

**¤° عضو جديد °¤** 417 01/06/2009 28

ميرسى يا عندليب على الرد

**¤° عضو ذهبي °¤** 1012 31/05/2009

أنت و انا .. نشبه حضارات الأغريـق
القوم راحـوا .. و الحضـاره مقيمـه

يسلموو خيتووو

**¤° عضو جديد °¤** 417 01/06/2009 28

ميرسى ورود على الرد